Ky projekt madhor, me një vlerë prej rreth 1 milion euro, synon të transformojë ekosistemin digjital në vend, duke u financuar nga Bashkimi Evropian dhe Qeveria e Kosovës.
Projekti “DIG-4K”, i cili do të implementohet nga Parku i Inovacionit dhe Trajnimeve (ITP Prizren), në bashkëpunim me sektorin privat, akademinë dhe shoqërinë civile, ka për qëllim të përshpejtojë inovacionin digjital në Kosovë. Ai do të mbështesë në mënyrë të veçantë Ndërmarrjet e Vogla dhe të Mesme (NVM-të), startup-et, institucionet publike dhe komunitetet, duke krijuar një ekosistem të qëndrueshëm për inovacionin digjital.
Universiteti i Prizrenit, me këtë nismë, po luan një rol kyç në formësimin e Kosovës si një qendër rajonale e inovacionit digjital. “Me iniciativa të tilla që fuqizojnë aftësitë digjitale, Universiteti i Prizrenit po luan një rol kyç në formësimin e Kosovës si një qendër rajonale e inovacionit digjital,” thuhet në njoftimin e universitetit.
Objektivat e projektit “DIG-4K”, siç janë publikuar nga institucionet e BE-së, përqendrohen në:
- Fuqizimin e bizneseve lokale.
- Përmirësimin e institucioneve arsimore.
- Mbështetjen e organizatave të shoqërisë civile.
- Përfshirjen e aktorëve publikë.
Kjo nismë synon të krijojë një ekosistem që mbështet suksesin ndërmarrës dhe nxit inovacionin digjital në nivel lokal, kombëtar dhe rajonal. Projekti “DIG-4K” synon t’u përgjigjet nevojave të popullsisë së Kosovës, duke u përqendruar në përmirësimin e aftësive digjitale, mbështetjen e ndërmarrësisë dhe promovimin e adoptimit të teknologjive digjitale në sektorë të ndryshëm.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
