“Ditëve të ardhshme kemi me pasur kohë pas kohe të reshura të shiut, mirëpo deri në fund të javës presim një goditje polare,” ka deklaruar Rugova. Ai ka shtuar se kjo goditje e ftohtë mund të sjellë reshje bore edhe në zonat më të ulëta të vendit, duke krijuar ndoshta edhe një shtresë bore.
“Edhe në zona më të ulëta mund të ketë reshje të borës, ndoshta do të krijohet edhe ndonjë shtresë. Edhe pse nuk është diçka e jashtëzakonshme, viteve të fundit kemi parë deri në 10-15 centimetra,” ka theksuar Rugova.
Këto ndryshime të papritura të motit vijnë pas një periudhe me temperatura të larta për stinën, duke shkaktuar shqetësime tek qytetarët. Autoritetet u bëjnë thirrje qytetarëve të jenë të kujdesshëm dhe të marrin masat e nevojshme për t’u mbrojtur nga i ftohti dhe reshjet.
Paralajmërimet për qytetarët:
- Vishni rroba të ngrohta dhe të përshtatshme për motin.
- Kujdesuni për fëmijët dhe të moshuarit, pasi janë më të ndjeshëm ndaj të ftohtit.
- Nëse udhëtoni me automjet, sigurohuni që të keni pajisjet e nevojshme për kushtet e dimrit.
- Ndiqni me kujdes parashikimet e motit dhe paralajmërimet e autoriteteve.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
