Një burrë shkoi nga
Egjipti në Emiratet e Bashkuara arabe për punë. Atje i kaloi 4 vjet. Ai vinte
nga një familje shumë e varfër, por përmes punës arriti të pasurohet. Pasi që fitoi
pasuri, ia dërgoi një letër babait të tij, në të cilën i thoshte: “O baba,
unë dua të martohem. Kanë kaluar kaq shumë vite, dhe unë ende kam mbetur i
pamartuar. Tani ka ardhur koha, dhe unë dua që ti ta zgjedhësh një grua për
mua. Ti gjithashtu e ke lejen time për të kontraktuar martesën me të në emrin
tim. Unë do të vij në ditën e dasmës, dhe nuk dua ta shoh nusen para martesës.”
Ai kishte shumë besim tek
babai i tij, i cili ishte njeri shumë i ndershëm dhe ishte imam në xhami.
Në kërkimin e një gruaje
për djalin e tij, babai e ndoqi këshillën e Pejgamberit (savs), i cili ka thënë:
“Gruaja martohet për katër gjëra: për pasurinë e saj, për atë se i takon
familjes së ndershme, për bukurinë e saj dhe për fenë e saj. Zgjidhe atë që ka
fe, të lumshin duart!” (Buhariu dhe Muslimi)
Ashtu edhe ndodhi. Babai ia
zgjodhi një grua të devotshme dhe besimtare, por që nuk ishte posaçërisht e
bukur dhe tërheqëse.
Djali erdhi në Egjipt në
ditën e tij të martesës! Ata e pritën në aeroport dhe menjëherë e çuan tek
gruaja e tij, e cila ishte e veshur me nikab. Kur ata mbetën vetëm në dhomë,
ajo e hoqi velin nga fytyra e saj. Ai u tmerrua kur e pa fytyrën e saj: “A
kjo është ajo gruaja që ma zgjodhi babai im!? A kjo qenka ajo! Po ti nuk qenke
aspak e bukur! Ti nuk po më pëlqen mua!”
Gruaja e tij, kur e dëgjoi
këtë u pikëllua shumë, dhe e kuptoi se çka po e shqetësonte. Ai shumë u
pikëllua, dhe shtoi: “Pas 4 vjetësh, unë po kthehem në shtëpi, i gëzuar
dhe plot entuziazëm, kurse ja çka po më pret!”
Shpejt pas kësaj, ai ra dhe
e zuri gjumi, nga pikëllimi dhe lodhja.
Kur erdhi e treta e fundit
e natës, ajo u përpoq ta zgjonte nga gjumi për namazin e natës, por ai vazhdoi
të flinte. Ajo u përpoq përsëri, por ai përsëri nuk dëshironte të ngrihej; pas
kësaj ajo e spërkati pak me ujë. Këtë herë ai u zgjua, meqë rast ajo i tha: ‘Unë
e di se sa je zhgënjyer ti, dhe e di se nuk jam e bukur. Por a din çka? Doja të
martohesha vetëm për një arsye… Doja ta zbatoja në praktikë hadithin e
Pejgamberit (savs): ‘Allahu e mëshiroftë një burrë, i cili ngrihet për
namazin e natës dhe më pas e zgjon gruan e tij. Nëse ajo nuk pranon të ngrihet,
ai butësisht e spërkat me ujë në fytyrën e saj. Allahu e mëshiroftë një grua, e
cila ngrihet për namazin e natës dhe më pas e zgjon burrin e saj, dhe nëse ai
nuk pranon të ngrihet, ajo butësisht e spërkat me ujë në fytyrën e tij.” (Hadith sahih, i
regjistruar nga Ebu Davudi)
Pasha Allahun, unë të
falënderoj shumë që më ndihmove për ta realizuar dëshirën time. Unë shumë kam dëshiruar
që ta zbatoja këtë hadith, dhe pothuajse e kisha humbur shpresën për t’u
martuar ndonjëherë. Sepse e di që nuk jam e bukur dhe tërheqëse … Të lutem, a
mund ta plotësosh tash me mua pjesën tjetër të hadithit? A mund të ngrihesh në
këmbë dhe të më udhëheqësh në namaz? A don ta falesh me mua namazin e natës?”
Ai u zgjua dhe e fali namazin
e natës me të. Ky njeri u betua për Allahun se sapo dha selam dhe e shikoi
gruan e tij, ai kurrë nuk kishte parë grua më të bukur se ajo.
Vëllezër dhe motra në
Islam, kjo familje, sot kanë nipër e mbesa që janë hafëzë të Kuranit dhe disa
prej tyre janë në rrugën e arritjes së njohurive dhe titullit dijetarë të këtij
umeti.
Përkthim:
Miftar Ajdini
(Islampress)
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
