Kryetari i Odës Ekonomike të Kosovës (OEK), Lulzim Rafuna duke komentuar buxhetin e vitit të ardhshëm i konsideruar si “historik” ka thënë se që nga viti 2008 çdo vjet ka pasur ngritje të buxhetit.
Por sipas tij, rëndësi kanë investimet kapitale, që do të jenë mbi 1 milion euro, ndonëse shpreh skepticizmin se a do të zbatohen ato mjete.
“Në Kosovë që nga viti 2008 çdo vjet ka pasur ngritje te buxhetit. Tani çështja është brenda strukturës së buxhetit se ku ka rritje më të mëdha dhe ku shkojnë”, tha Rafuna në një intervistë për Ekonomia Online.
“Pjesa që na intereson më shumë është pjesa e investimeve kapitale. Aty ka pasur ngritje mbi 1 milion euro. Por a do të implementohen ato mjete”.
Sipas tij, Kosova nuk do të mbesë pa rezerva shtetërore, për vitin 2023 rritja ekonomike parashikohet të jetë 4%, raporton EO.
“Nuk mendoj se do të mbesim pa rezerva shtetërore. Rritja ekonomike parashihet të jetë 3.5%, maksimumi 4%. Nuk besoj ne krizë të thellë ekonomike sepse çmimet e derivateve të naftës ka filluar të bie”.
“Edhe shoh sfidë të madhe për bizneset tona sepse kanë probleme me energji elektrike. Po ashtu do të jetë mungesa e fuqisë punëtorë dhe inflacioni”.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
