Gjykata Themelore e Prizrenit, përmes një komunikate për media, ka njoftuar të enjten se e ka aprovuar kërkesën e Prokurorisë Themelore të Prizrenit, duke i caktuar masën e arrestit shtëpiak prej një muaj të pandehurit me iniciale N.K., përcjell PrizrenPress.
I pandehuri dyshohet për shkelje të Kodit Penal, sepse me datën 11.08.2017, rrethë orës 12:30 minuta në Prizren në rrugën “Wiliam Voker”, në Qendrën e Regjistrimit Civil MPB, në filialin e Postës, personit tjetër ia merr pasurinë me qëllim të përvetësimit të kundërligjshëm për vete apo për personin tjetër, në atë mënyrë që nga sporteli i Filialës së Postës merr arkën me mbishkrimin “Jetimat e Ballkanit” në brendi të së cilës kishte rrethe 150 (njëqind e pesëdhjetë)euro, dhe largohet nga vendi i ngjarjes.
Me këtë veprim i pandehuri dyshohet se ka kryer veprën penale, të vjedhjes nga neni 325 par.1 të KPRK-së. /PrizrenPress.com/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
