Galaxy M04 i shfaqur shkurtazi nga Amazon para disa ditësh është prezantuar zyrtarisht nga Samsung. Fuqinë e merr nga çipi Helio P35 SoC, dhe vjen me dy opsione të hapësirës së përgjithshme – 64GB dhe 128GB.
Telefoni i mençur ka 4GB RAM memorie, e cila në mënyrë virtuale mund të zgjerohet deri në 8GB me veçorinë RAM Plus.
Samsung Galaxy M04 përmban një ekran LCD HD+ me madhësi 6.5 inç, ndërsa sistemi i saj operativ është Android 12. Samsung për M04 ka premtuar përditësime sigurie për 4 vite, dhe “2 përmirësime të sistemit operativ”, raporton GSM Arena, përcjell Telegrafi.
Telefoni Galaxy M04 vjen me tre kamera – një kamerë selfie me 5MP në pjesën e përparme dhe dy kamera në pjesën mbrapa që përbëhet nga kamera primare prej 13MP dhe kamerë dytësore prej 2MP.
Pajisja e fuqizuar nga çipi Helio P35, ka një kamerë me kapacitet 5,000mAh dhe mbështet karikimin me 15W. Njoftimi për media i Samsung thotë se Galaxy M04 vjen i paketuar bashkë me karikuesin, por nuk përmend se cila është koha e mbushjes nga 0 deri në 100 për qind.
M04 ofrohet me ngjyrat Sea Glass Green dhe Shadow Blue. Çmimi i modelit 4GB RAM dhe hapësirë prej 128GB fillon nga 100 euro, ndërsa varianti 6GB RAM memorie dhe 128GB hapësirë të përgjithshme fillon nga 110 euro.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
