Policia e Kosovës ka njoftuar për mbylljen e pikës kufitare në Bërnjak përgjatë së shtunës.
Kështu u bë e ditur nga ky institucion me anë të një komunikate për media, duke thënë se mbyllja vjen si masë paraprake e sigurisë.
Policia më herët njoftoi edhe për mbylljen e pikës kufitare në Jarinje.
“Bazuar në vlerësimet policore, po ashtu si masë paraprake e sigurisë, përderisa ka disa bllokime edhe në rrugën në drejtim të Pikës Kufitare Bërnjak, Policia e Kosovës tani ka mbyllur përkohësisht për qarkullim edhe këtë pikë kufitare”, thuhet në komunikatë.
“Meqë tani dy Pikë Kalimet Kufitare në veri të vendit janë mbyllur për qarkullim si pasojë e barrikadave të vendosura, ftohen qytetarët që të shfrytëzojnë pikat tjera kufitare për qarkullim”, përfundon komunikata.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
