Kjo ngjarje shënon një pikë kthese në profesionin e inxhinierisë në vend, duke hapur rrugë për zhvillime të mëtejshme dhe duke vendosur Kosovën në linjë me standardet e rajonit dhe të Bashkimit Evropian.
Ministri i Infrastrukturës, Liburn Aliu, i cili mori pjesë në mbledhjen e parë themeluese të OIK-së, e përshkroi këtë moment si historik për të gjithë inxhinierët e vendit. Ai theksoi se themelimi i Odës është një hap i rëndësishëm drejt krijimit të mundësive të barabarta për profesionistët e kësaj fushe.
Qeveria e Kosovës, në bashkëpunim me Ministrinë e Infrastrukturës, ka qenë një mbështetëse e fortë e këtij procesi. Ministri Aliu siguroi se qeveria do të vazhdojë të mbështesë funksionimin e Odës në të ardhmen, duke i ofruar mbështetje financiare dhe duke investuar në edukimin e vazhdueshëm profesional të inxhinierëve.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
