Presidentja e Kosovës, Vjosa Osmani, ka kërkuar që Bashkimi Evropian të largojë masat e vendosura ndaj Kosovës.
Në një konferencë për media që e pati sot me presidenten e Komisionit Evropian, Ursula von der Leyen, ajo është shprehur se këto masa janë të padrejta dhe po i dëmtojnë qytetarët e Kosovës.
“Andaj sot kemi nevojë që Bashkimi Evropian t’i vlerësoj dhe t’i njoh këto arritje. Rrjedhimisht është edhe koha e fundit që edhe masat e padrejta ndaj Kosovës të largohen përfundimisht. Përveç që të padrejta, këto masa po dëmtojnë drejtpërdrejt qytetarët e Kosovës pa dallim dhe kanë dëmtuar edhe vet procesin e dialogun duke e bërë atë të pabalancuar, të pabarabartë dhe të pakredibilitet”, tha presidentja Vjosa Osmani.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
