Sulmuesi i Argjentinës, Lionel Messi, po shijon përgatitjet për Kupën e Botës të Katarit, tha të martën trajneri Lionel Scaloni teksa përgatit ekipin për ndeshjen e tyre paraprake miqësore me Emiratet e Bashkuara Arabe në Abu Dhabi.
Argjentina po kërkon të fitojë titullin e tretë botëror dhe i pari që nga viti 1986 dhe sulmuesi i Paris Saint-Germain, Messi do të pritet të luajë një rol kyç në rrugëtimin e tyre.
“E shoh atë si gjithmonë… të etur për të shijuar Kupën e Botës”, u tha Scaloni gazetarëve përpara ndeshjes së së mërkurës, njofton Reuters, transmeton Demokracia.com.
“Ai e di se si të luajë duke veshur këtë fanellë. Ai po shijon shokët e tij të skuadrës, seancat stërvitore, qëndrimin dhe gjithë procesin”, shtoi ai.
Miqësorja do të jetë testi i fundit i Argjentinës përpara hapjes së Kupës së Botës kundër Arabisë Saudite më 22 nëntor./Demokracia.com/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
