Emiliano Martinez e ka publikuar një fotografi të tatuazhit të ri në këmbën e tij që është trofeu i Kupës së Botës, për të përjetësuar në trupin e tij triumfin e Argjentinës në Katar.
Portieri i Aston Villas luajti çdo minutë në skuadrën e Lionel Scalonit, e cila pas humbjes së papritur në ndeshjen e parë nga Arabia Saudite, u rikuperua për të arritur deri në finale, ku fitoi pas ekzekutimit të penalltive ndaj Francës.
Padyshim që Martinez ka zënë vend në historinë e futbollit argjentinas për heroizmat e tij, sidomos në mbrojtjen e penalltive. Megjithëse mënyrat e tij të festuarit janë kritikuar.
Sido që të jetë, për ta nderuar suksesin e madh të vitit 2022, portieri ka vendosur ta vizatojë në trupin e tij trofeun e famshëm.
30-vjeçari ka shpërndarë fotografi në rrjetet sociale gjatë kohës duke e bërë tatuazhin dhe më pas e ka treguar suksesin.
Edhe bashkëlojtari i tij, Angel Di Maria, ka bërë një tatuazh të madh të trofeut në kofshën e tij.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
