Portieri, Hugo Lloris ka folur pas kualifikimit në finale të Kupës së Botës me Francën.
“Gardiani” i Francës ka vlerësuar lart ekipin e Argjentinës, kundërshtarin e “Gjelave” në finalen e madhe.
Lloris ndër tjerash tha se Argjentina ka në ekip Lionel Messin, por sipas tij, francezët do të mundohen ta bëjnë lojën e tyre për ta mbrojtur trofeun.
“Argjentina është një ekip shumë i madh. Ata kanë treguar se sa konkurrues janë, dhe kanë Messin në ekip. Ka gjithçka për një lojë të shkëlqyer, por ne do të përpiqemi ta kthejmë lojën në anën tonë”, ka thënë Lloris pas ndeshjes me Marokun (2:0), njofton L’Equipe, transmeton Demokracia.com.
Argjentina dhe Franca do të përballen më 18 dhjetor nga ora 16:00 në finale të Kupës së Botës “Katar 2022”./Demokracia.com/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
