Pse po ndodh kjo?
Siç njoftoi Anadolu Agency, arsyeja kryesore e kësaj vendimi është rritja e ndjeshme e migrimit të parregullt dhe presioni që kjo po ushtron në sistemet e migracionit të vendeve të BE-së. Shtimi i incidenteve kriminale në qendrat e pritjes së azilkërkuesve është një tjetër faktor që ka ndikuar në marrjen e kësaj masë.
Cilat vende janë të prekura?
Deri më tani, tetë vende anëtare të BE-së dhe një vend anëtar i zonës Shengen, Norvegjia, kanë rivendosur kontrollin e pasaportave në kufijtë e tyre. Lista e plotë përfshin: Austri, Gjermani, Danimarka, Francë, Suedi, Slloveni, Itali, Holanda dhe Norvegjia.
Sa kohë do të zgjasë kjo situatë?
Sipas rregullave të Shengenit, rivendosja e kontrollit kufitar nuk mund të zgjasë më shumë se gjashtë muaj në vazhdimësi. Kjo do të thotë se BE-ja dhe shtetet anëtare të Shengenit do të duhet të marrin vendime të reja çdo gjashtë muaj për të vendosur nëse do të vazhdojnë apo jo me këto kontrolle. Deri më tani, shumica e vendeve që kanë vendosur këto kontrolle i kanë zgjatur ato deri në gjysmën e parë të vitit 2025.
Çfarë do të thotë kjo për udhëtarët?
Kjo do të thotë se udhëtarët që lëvizin brenda zonës Shengen mund të përballen me kohë më të gjata pritjeje në kufij, veçanërisht në pikat e kalimit me vendet që kanë rivendosur kontrollin e pasaportave.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
