Komuna e Dragashit ka filluar zbatimin e projektit për ofrimin e PAPA testit pa pagesë për të gjitha gratë e komunës, në Qendrën Kryesore të Mjekësisë Familjare.
Kryetari Bexhet Xheladini dhe kryesuesja e Kuvendit Arijeta Skeraj, gjatë një vizite në QKMF, u informuan nga drejtori Endrit Piraj për detajet e projektit, i cili është iniciuar me mbështetjen e Grupit të Grave Asambleiste dhe mbështet financiarisht nga Komuna dhe donatorë të tjerë. Shërbimi do të ofrohet nga gjinekologu Femi Bojaxhiu, çdo ditë pune nga ora 09:00 deri në 13:00, pa nevojën e caktimit të terminit paraprak. Ky projekt synon të përmirësojë shëndetin e grave dhe vajzave duke e bërë këtë kontroll të rëndësishëm më të qasshëm për të gjitha.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
