Kandidati i LDK-së për kryetar të Komunës së Dragashit, Selim Kryeziu, në Debat Përnime nuk ka pranuar të ndajë me publikun numrin e drejtorive që do t’ua besonte grave.
“Nuk mund ta zgjedhë një drejtoreshë veç pse është femër por dua të kem drejtoreshë që është e aftë. Shumica e atyre që unë i kam në ekip, janë studente ose nga ato që sapo i kanë përfunduar studimet dhe s’e kanë përvojën e duhur. Nuk mund të jap numër për këtë”, tha kandidati i LDK-së për Dragash, Selim Kryeziu.
Kandidati i PDK-së, Shaban Shabani, nuk ka ardhur në emisionin Debat Pernime me arsyetimin se është “i ngarkuar”.
Kryeziu nga LDK në rrethin e parë mori 35.52 për qind të votave, ndërsa kandidati i PDK-së, Shaban Shabani mori 34.22 për qind.
Votimet për balotazhin do të zhvillohen të dielën, më 19 nëntor.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
