Sot, në praninë e familjarëve, bashkëluftëtarëve, bashkëfshatarëve e miqve, me nderime iu dha lamtumira e fundit Daut Rakipit, ish luftëtarit të UÇK-së.
Daut Rakipi, nga fshati Bresanë i Dragashit, kishte ndërruar jetë të martën, në moshën 43 vjeçare, nga një sulm në zemër në Austri.
Si luftëtar i UÇK-së, Dauti ishte dalluar gjatë operacionit “Shigjeta”, Drejtimi Taktik nr. 2, në të cilin merrnin pjesë shumë luftëtarë nga treva e Opojës së Dragashit.
Pas vete, i ndjeri ka lënë bashkëshorten dhe tre fëmijë të mitur.
Pasi e ka dëgjuar lajmin për vdekjen e luftëtarit opojan, Daut Rakipit, shkrimtari, veprimtari dhe bashkëluftëtari i tij, Bedri Halimi, i ka thurur një poezi çasti:
DAUT RAKIPI
(Akrostik)
Drejt dritës fluturove
Atdheu kur ish’ në robëri
UÇK-së iu bashkove
Të luftoje për liri
Retë e zeza për t’i shpërndarë
Armën mbajte me trimëri
Krah për krah me bashkëluftarë
I përkrahe me besnikëri
Pranverën e sollët me yjet – fanar
Ishe dhe mbete shembull, o njeri
/Telegrafi/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
