Në emisionin e sotëm në Kallxo Pernime po transmetohet ekskluzivisht hulumtimi për rastin e plagosjes në Dragash, më 26.04.2024.
Shikoni se si prokurori e telefonon viktimën e kërcënimit, ndërsa nuk e njofton të dëmtuarin për dosjet penale të të dyshuarit.
Çka thotë viktima e dhunës në familje dhe babai i saj që u plagos nga ish- dhëndri i tij?
Kallxo Pernime sjell filmime ekskluzive të momentet kur i dyshuari kërcënon viktimën në objektin e gjykatës në Dragash dhe askush nuk njofton policinë.
Në emision jepen detaje se si policët në Dragash neglizhuan trajtimin e rastit dhe kërcënimet e shumta që u raportuan.
Ndiqni pamjet ekskluzive të negociatave mes prokurorit- negociatorit të Prokurorisë Themelore në Prizren me viktimën e kërcënimit.
Hulumtimi zbardh dosjen e gjykatës dhe prokurorisë për të dyshuarin që theu urdhrat e mbrojtjes për rastet e dhunës në familje ndaj ish-bashkëshortes, dënimet me gjobë, ato me kusht dhe verifikimet që iu bënë.
Viktimat rrëfejnë ditën kritike të 26 prillit dhe plagosjen që ndodhi veç pak metra larg Gjykatës së Dragashit.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
