Haxhiu: Hetimet duhet të thellohen, nuk mund të jetë i vetmi rast i abuzimit ai i të moshuarës

Kushtrim Guraj Kushtrim Guraj Kosova

Ministrja e Drejtësisë, Albulena Haxhiu, është shprehur e tronditur me rastin e dhunës së ushtruar ndaj një të moshuare në shtëpinë e të moshuarve në Pejë.

Ajo ka shkruar në Facebook se autoritetet po kryejnë hetimet rreth rastit.

“Sjellja abuzuese e mizore, ndaj një të moshuare në Pejë, na ka tronditur të gjithëve. Në këto momente institucionet përgjegjëse, policia dhe prokuroria, janë duke e bërë punën e tyre dhe disa nga personat e dyshuar janë arrestuar”, ka shkruar Haxhiu.

Haxhiu ka theksuar se hetimet duhet të thellohen, ndërsa ka theksuar se ky nuk mund të jetë rasti i vetëm i abuzimit.

Ajo ka thirrur për llogaridhënie nga menaxhmenti i shtëpisë.

“Abuzimi që pamë sot, nuk mund të jetë i vetmi prandaj qytetarët duhet të bashkëpunojnë me institucionet në rast të dyshimeve për keqtrajtimin e familjarëve në shtëpinë e të moshuarve në Pejë, apo edhe në qendrat tjera të kujdesit ndaj këtyre kategorive. Hetimet duhet të thellohen! Gjithashtu, menaxhmenti duhet të jap llogari për keqtrajtimin e qytetarëve në ato ambiente”, përfundoi Haxhiu.

/OPOJAnet/

Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.

- Reklama-
- Reklama-