Arianit Ahmeti, ka thënë se “Është mirë ta dinë Komuniteti i Futbollit të Kosovës se çfarë ‘borxhi’ i paskan Agim Ademit, i cili e ka kthyer Institucionin më të lartë të futbollit në vend si mburojë të tij, duke u fshehur pas FFK-së për të kaluarën e tij me vepra kriminale”
Ish-zënvëndësi i sekretarit të Federatës së Futbollit të Kosovës, Arianit Haliti, ka thënë se FFK-ja nuk i plotësoi kriteret për licencim, por sipas tij, duket se nuk po i plotëson as kushtet e lojtarët që po e braktisin përfaqësuesen e Kosovës.
Ai bëri pyetje se pse nuk u licencua FFK-ja dhe pse Agon Sadiku braktisi Kosovën për Finlandën.
“FFK nuk i plotësoi kriteret për licencim, por duket se nuk po i plotëson as kushtet e lojtarëve që po e braktisin Kombëtaren! Pse nuk u licencua FFK?! Pse Agon Sadiku braktisi Kosovën për Finlandën?! Federata e Futbollit të Kosovës e humbi dhjetorin e 2022, tani edhe janarin e 2023, e kush e di edhe sa muaj të tjerë, për shkakun se nuk po licencohet nga MKRS. Për shkak të problemeve organizative që i mungojnë dhe problemeve me ligjin, si dhe pozitat qe mbajnë krerët e FFK-së”, ka shkruar Ahmeti në Facebook.
Ahmeti tha se kryetari i FFK-së dihet që ka aktakuzë të konfirmuar, “duke shkuar në gjykatë për korrupsion, hera e fundit më 7 Nëntor 2022”.
Ndërsa, sipas tij, sekretari i FFK-së është ushtrues detyre në federatë, “por që ushtron edhe detyrën e avokatit me kompaninë e tij ‘Hodaj&Partners’”.
“Se a ka konflikt interesi pozita e tij si U.D Sekretarit Gjeneral i FFK dhe avokat për ta mbrojtur Agim Ademin në Gjykatë, duhet ta vlerësojnë organet e drejtësisë”, ka thënë Ahmeti, duke fajësuar Agim Ademin dhe Taulant Hodajn, për moslicencimin e FFK-së.
Gjithashtu, Ahmeti tha se FFK-ja ka humbur rreth gjysëm miloni euro nga mosmarrja e vërtetimeve për sponsorizim, shkak moslicencimi.
“Për të mbajtur pozitën në kundërshim me çdo ligj/rregullore/statut dhe kod të etikes, Agim Ademi klubeve si duket u ka humbur mjetet që llogaritet të jenë miliona euro nga sponsorizimi, në mungesë të marrjes së vërtetimit nga MKRS dhe do të humbasin edhe miliona tjerë si duket, nëse nuk ka reflektim të vetë klubeve”.
Sipas Ahmetit, FFK-ja në vend se të ishte servis për klubet, është bërë pengesë, e cila po i ngulfat vetë ato, duke i çuar në prag falimentimit.
“Problemi tani më është kredibiliteti i institucionit të futbollit tonë, futbollistët po e braktisin Kombetarën e Kosovës, jo me vetëm për Shqipërinë, Zvicrrën, Gjermaninë apo Suedinë, por edhe Finlanda po ia merr lojtarët Kosovës. Lexo deklaraten e Agon Sadikut përse ka ndryshuar fanelën Kosovës dhe i është bashkuar Finlandës”.
Ai tha se Agim Ademi e ka kthyer institucionin më të lartë të futbollit në Kosovë, si mburojë të tij.
“Është mirë ta dinë Komuniteti i Futbollit të Kosovës se çfarë ‘borxhi’ i paskan Agim Ademit, i cili e ka kthyer Institucionin më të lartë të futbollit në vend, si mburojë të tij, duke u fshehur pas FFK-së, për të kaluarën e tij me vepra kriminale”.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
