Vetëm gjatë tetë ditëve të fundit, nga 11 nëntori deri më 18 nëntor, sipas të dhënave të publikuara nga Instituti Kombëtar i Shëndetësisë Publike i Kosovës, në komunën e Dragashit 24 persona kanë rezultuar pozitiv me Covid-19.
Në bazë të shifrave zyrtare të publikuara përgjatë kësaj jave, dy persona nuk kanë arritur që ta fitojnë betejën me këtë virus, njëri 42-vjeçar dhe një tjetër 76-vjeçar.
Brenda kësaj jave, numri më i lartë i rasteve pozitive të regjistruara nga testimet brenda 24 orëve ka shkuar deri në pesë.
Vendbanimet më të prekura nga Covid-19 janë fshati Brrut dhe qyteza e Dragashit, ndërkaq të infektuar ka pasur edhe në fshatrat Rrenc, Shajne, Buqe, Plavë, Zaplluxhe, Zym, Bresanë dhe Bellobrad./Opoja.net/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
