Në Bresanë të Dragashit do të ndërtohet një çerdhe e re me sipërfaqe 740 metra katrorë, e cila do të jetë e destinuar për 40 fëmijë. Vlera e kontratës për ndërtimin e këtij objekti arrin në 1 milion e 82 mijë e 568 euro. Ky investim është pjesë e projektit të Ministrisë së Arsimit, Shkencës, Teknologjisë dhe Informacionit për përmirësimin e infrastrukturës arsimore në vend.
Ministria e Arsimit, Shkencës, Teknologjisë dhe Informacionit (MASHTI) ka nënshkruar kontratat për ndërtimin e çerdheve në Kaçanik, Dragash dhe Fushë Kosovë, vlera e përgjithshme e të cilave kap shifrën mbi tre milionë euro, si dhe të një shkolle të re në kryeqytet në vlerë 3.3 milionë euro.
Lajmi është bërë i ditur nga ministrja Arbërie Nagavci përmes një postimi në Facebook.
Objekti i çerdhes së re, e destinuar për 40 fëmijë në Rekë-Vatë Kaçanik, me sipërfaqe 740 metra katrorë dhe ka shifrën e kontratës 1 milion e 96 mijë e 43 euro. Ndërsa çerdhja e re në Brodosan Dragash, me sipërfaqe 740 metra katrorë, e destinuar për 40 fëmijë, ka vlerën e kontratës 1 milion e 82 mijë e 568 euro.
Objekti i çerdhes në Fushë Kosovë me sipërfaqe 873 metra katrorë, e destinuar për 40 fëmijë, do të kushtojë 1 milion e 282 mijë e 282 euro, ndërsa objekti i shkollës së re në Prishtinë, me sipërfaqe 6 mijë e 430 metra katrorë, i destinuar për 800 nxënës, ka vlerën e kontratës 3 milionë e 323 mijë e 232 euro.
Nagavci është zotuar se ministria që ajo drejton do të angazhohet që secili fëmijë në Kosovë të ketë vend në institucionet e dijes për zhvillimin dhe aftësimin e mëtejshëm në jetë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
