Kjo risi vjen si rezultat i miratimit të ligjit të ri për arsimin e mesëm nga Qeveria, i cili pritet të miratohet së shpejti edhe në Kuvend.
Ky ligj i ri përbën një hap të rëndësishëm përpara në ofrimin e një arsimi gjithëpërfshirës dhe cilësor për të gjithë nxënësit, pavarësisht aftësive të tyre. Asistentët arsimorë do të jenë aty për të ofruar mbështetje të personalizuar për nxënësit me aftësi të kufizuara, duke i ndihmuar ata të përparojnë në mësime dhe të integrohen plotësisht në mjedisin shkollor.
“Ligji i mëparshëm nuk parashikonte asistent arsimor në shkollat e mesme. Ky ligj parashikon edhe ndihmës arsimorë në shkollat e mesme. E sigurt është se nga shtatori i këtij viti do të kenë asistentë arsimor dhe pikërisht tani nëse ka nevojë serioze dhe pozitë të paplotësuar për asistent, do të bëjmë çmos që një të tillë ta sigurojmë edhe për këta studentë”, ka deklaruar ministrja e Arsimit dhe Shkencës, duke theksuar angazhimin e qeverisë për të ofruar mbështetje maksimale për nxënësit me aftësi të kufizuara.
Kjo është një zhvillim shumë pozitiv që do të ketë një ndikim të madh në jetën e nxënësve me aftësi të kufizuara dhe familjeve të tyre. Me këtë ligj të ri, atyre u ofrohet një mundësi e barabartë për të ndjekur arsimin e mesëm dhe për të arritur potencialin e tyre të plotë.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
