Kryetari i PDK-së, Kadri Veseli, ka vizituar xhaminë e fshatit Mlikë në komunën e Dragashit e cila konsiderohet se është më e vjetra në Ballkan.
Veseli ne një shkrimi të publikuar në faqen e tij në Facebook ka shkruar,”Xhamia e Mlikës në Dragash, për të cilën studiuesit thonë se është ndërtuar në 1289, konsiderohet si xhamia e parë në Ballkan. Si kryeministër i ardhshëm do e kem prioritet ruajtjen mirëmbajtjen, restaurimin dhe promovimin e monumenteve të vyera si ky. Kosova jonë, edhe pse është territor i vogël, është e pasur në trashëgimi natyrore dhe kulturore dhe ka monumente të rralla si kjo xhami. Kjo trashëgimi së bashku me mikëpritjen tradicionale të popullit tonë, ofron një potencial të madh për zhvillimin e turizmit në Kosovë i cili është një sektor që në të ardhmen do të hapi shumë vende pune për rininë tonë”, ka shkruar Veseli.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
