Kjo recetë turke sjell një ide shumë të mirë për të gatuar një pilaf ndryshe. Pasi ta provoni, me siguri do të ndani të njëjtin mendim me ne.
Përbërësit:
– 600 g fileta pule,
– 3 speca të freskët (i kuq, i verdhë, i gjelbër),
– 1 lugë e vogël shafran,
– 3 lugë vaj,
– 2 thelpinj hudhre,
– 80 g bademe të pjekura,
– 1 lugë erëza.
Për pilaf:
– 200 g oriz basmati,
– 1 lugë të vogël shafran,
– 100 g qepë,
– 600 ml ujë të nxehtë,
– 1 lugë margarinë,
– 2 lugë të vogla erëza.
Përgatitja:
Filetat e pulës dhe të specit pritni hollë për së gjati. Në vaj të nxehur piqni mishin e pulës nga të gjitha anët dhe shtoni specin.
Qitni erëza dhe zieni rreth 10 minuta duke i qitur pak ujë. Në fund përzieni shafranin dhe thelpinjtë e grirë të hudhrës. Orizin lajeni dhe kullojeni.
Në margarinën e nxehur fërgoni pak qepën e grirë në rrathë, shtoni orizin dhe bashkë piqni rreth 2 minuta. Pastaj shtoni ujin, shafranin dhe erëza.
Pilafin zieni në zjarr mesatar 10 – 12 minuta.
Shërbimi
Orizit të përgatitur në këtë mënyrë qiteni fletë të pjekura të bademit dhe shërbejeni me mishin e zier të pulës.
Këshillë: Në vend të gjoksit të pulës, për këtë ushqim mund të përdorni edhe mishin e bardhë të shpezëve të tjera, transmeton Telegrafi.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
