Përkrahja e Ministrisë së Bujqësisë, Pylltarisë dhe Zhvillimit Rural përmes granteve investive dhe pagesave direkte për sektorin e bujqësisë, ka ndikuar në shtimin e prodhimtarisë bujqësore në vend. Kjo mbështetje e ministrisë do të vazhdojë edhe sivjet, ku investimet e ministrisë përmes programeve mbështetëse arrijnë në 48 milionë euro.
Kështu është shprehur zëvendësministri i MBPZHR-së, Vezir Januzi, në ceremoninë përmbyllëse të projektit Zhvillimi Ekonomik i Bujqësisë në Kosovën Jugore, i financuar nga Bashkimi Evropian.
Me këtë rast, zëvendësministri Januzi, ka theksuar se projektet e tilla ndikojnë në përmirësimin e mëtejmë të sektorit të bujqësisë në vend, si dhe stimulimin dhe rritjen e cilësisë së prodhimit dhe përpunimit bujqësor në vend. Ai tha se edhe në të ardhmen do të vazhdojnë të përkrahin projektet bujqësore të fermerëve në gjithë vendin.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
