Lajmin e ka konfirmuar zëdhënësi i policisë rajonale të Prizrenit, Shaqir Bytyqi. Ai ka deklaruar se mjeku kujdestar ka konstatuar vdekjen e personit dhe se rrethanat e para të ngjarjes sugjerojnë mundësinë e vetëvrasjes.
“Sot rreth orës 16:45 policia ka marrë informatën për një person rreth 30-vjeç, i cili dyshohet se u dërgua pa shenja jete në Spitalin e Prizrenit. Mjeku kujdestar konfirmoi se viktima është pa shenja jete dhe dyshohet për vetëvrasje,” tha zëdhënësi Bytyqi.
Pas marrjes së njoftimit, në vendngjarje kanë dalë menjëherë hetues nga Sektori Rajonal i Hetimeve në Prizren për të nisur hetimet e nevojshme dhe për të zbardhur rrethanat e plota të kësaj ngjarjeje tragjike.
Bytyqi gjithashtu njoftoi se për rastin është informuar Prokurori i Shtetit, i cili ka urdhëruar që trupi i pajetë i viktimës të dërgohet në Institutin e Mjekësisë Ligjore në Prishtinë për obduksion dhe për të përcaktuar shkaqet e sakta të vdekjes.
Autoritetet pritet të japin më shumë detaje rreth kësaj ngjarjeje pas përfundimit të hetimeve fillestare dhe analizave mjeko-ligjore. Kjo ngjarje e rëndë ka tronditur qytetin e Prizrenit dhe ka shkaktuar dhimbje në familjen dhe të afërmit e viktimës.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
