Në të njëjtën kohë, Kroacia u orientua drejt fluksit të fuqisë punëtore nga jashtë. Vlerësohet se që nga anëtarësimi i vendit në Bashkimin Evropian 11 vjet më parë, rreth 400,000 njerëz janë larguar nga Kroacia në kërkim të punës, kryesisht në Austri, Gjermani dhe Irlandë.
Shumë degë ekonomike, mbi të gjitha ndërtimi, turizmi dhe industria, nuk do të mund të funksiononin normalisht pa punëtorë të huaj.
Ndërsa më shumë se 80,000 leje pune për punëtorët e huaj u lëshuan në vitin 2021, ky numër u rrit në pak më shumë se 174,000 vitin e kaluar, ndërsa vlerësohet se këtë vit mund të jetë deri në 200,000. Duke marrë parasysh rreth 1.6 milionë të punësuar në vend, kjo përbën 12.5% të fuqisë punëtore aktive.
Numri më i madh i lejeve të lëshuara i referohet punëtorëve nga territori i ish-Jugosllavisë. Nga rreth 159 mijë leje të dhëna deri në fund të shtatorit të këtij viti, qytetarët e Bosnjës dhe Hercegovinës përbëjnë 30 mijë, nga Serbia 24 mijë, nga Maqedonia e Veriut 12 mijë dhe nga Kosova më shumë se 6 mijë.
Megjithatë, numri i përgjithshëm i lejeve të lëshuara për punëtorët nga Nepali, India, Filipinet, Bangladeshi, Uzbekistani dhe Egjipti është vetëm pak më i vogël.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
