Më datë 28 prill, Kryetari i Komunës së Dragashit, z.Bexhet Xheladini, drejtori i DKA-së, z.Zeni Krasniqi, dhe përfaqësues të ekzekutivit lokal morën pjesë në manifestimin e organizuar nga ShFMU “Fetah Sylejmani” në Dragash për nder të Ditës së Shkollës. Ky eveniment ishte i veçantë pasi shkolla në fjalë mban emrin e dëshmorit të kombit Fetah Sylejmani, dikur nxënës i kësaj shkolle.
Në këtë manifestim, Kryetari Xheladini shprehu urimet më të përzemërta për të gjithë nxënësit, prindërit dhe mësimdhënësit e ShFMU “Fetah Sylejmani”. Ai u shpreh se është amanet i dëshmorëve që të gjithë nxënësit të bëhen nxënës të shkëlqyeshëm, të sjellshëm dhe të edukuar. Kryetari Xheladini theksoi se përmes DKA-së, komuna mirëpret të gjitha kërkesat dhe nevojat e nxënësve për të rritur e forcuar bashkëpunimin dhe për të gjetur së bashku rrugët më të mira arsimore.
Në këtë ngjarje, përfaqësuesit e ekzekutivit lokal shprehën mbështetjen e tyre për shkollën dhe rëndësinë e saj në zhvillimin e komunitetit të Dragashit. Ata u zotuan se do të vazhdojnë të mbështesin arsimin dhe të punojnë për të siguruar që nxënësit e komunës së Dragashit të kenë mundësi të barabarta për të marrë një arsim cilësor dhe të gjejnë një vend pune në një treg të punës të zhvilluar.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
