Ambasadori i Bashkimit Evropian në Kosovë, Tomas Szunyog së bashku me zëvendëskryeministrin Besnik Bislimin lansuan raundin e 13-të të Programit të Bursave Master të BE-së.
“Duke investuar në edukimin e nëpunësve civilë aktualë dhe të ardhshëm, ne po ndihmojmë në përmirësimin e administratës publike të Kosovës duke e çuar atë një hap më afër BE-së”, tha Szunyog.
Investimi i BE-së prej 15.3 milionë eurove në këtë program bursash, nga viti 2004 deri në vitin 2026, do të mbështesë arsimimin e së paku 470 personave nga BE-ja.
“Inkurajoj gratë e reja dhe komunitetet jo-shumicë të aplikojnë për bursa dhe të avancojnë rolin dhe pozitën e tyre në administratën publike. “, shtoi Szunyog.
Zëvendëskryeministri Besnik Bislimi, tha se ky është një nga projektet më të rëndësishme që BE-ja financon në Kosovë.
“Qeveria e Kosovës mbetet e përkushtuar për avancimin e mëtejmë të procesit të reformave të administratës publike, duke e shfrytëzuar projektin si një nga mundësitë më të mira që siguron dhe promovon transparencën dhe meritokracinë në shërbimin civil”, tha Bislimi.
The post BE investon mbi 15 milionë euro për bursa në Kosovë appeared first on Sinjali.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
