Presidenti i Serbisë, Aleksander Vuçiq nga New York ka folur edhe për çështjen e lobimit të Republikës së Kosovës për të marrë njohje të reja. Shefi i shtetit serb ka thënë se e ka vënë re që Kosova ka “shënjestruar” tri shtete aziatike dhe tri shtete afrikane për t’ua marrë njohjet.
Ai deklaron se Prishtina po punon në të gjitha mënyrat e mundshme, por edhe se Beogradi po bën punën e vet.
“Nuk ka dyshim se Perëndimi po e ndihmon Prishtinën që të marrë njohje të reja dhe po krijojnë studime për vendet që mund të ndikojnë në hyrjen e Kosovës në BE”, deklaroi Vuçiq, raporton KoSSev.
Sipas tij, Serbia po përballet me një periudhë shumë të vështirë.
“Kam parë tre shtete aziatike dhe tre afrikane që i kanë shënjestruar, ne do të vazhdojmë të bëjmë punën tonë, por mos harroni nuk është çështje e Prishtinës. Është një çështje e luftës sonë kundër asaj që do të bëjnë të gjitha fuqitë e mëdha perëndimore. Ky është roli ynë në një kohë kur, siç mund ta shihni, ata po kërkojnë të përjashtojnë një Rusi”, ka thënë Vuçiq.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
