Në 24 orët e fundit nga coronavirusi ka humbur jetën një person, ndërsa janë konfirmuar 20 raste të reja nga 1 mijë e 891 testime të kryera.
Instituti Kombëtar i Shëndetit Publik në Kosovë njofton se brenda 24 orëve janë shëruar edhe 19 persona.
“Në 24 orët e fundit janë dhënë 3.669 doza të vaksinës kundër COVID-19. Prej fillimit të vaksinimit në të gjitha qytetet e Kosovës janë dhënë 144.685 doza të vaksinës. Deri më sot 22.906 qytetarë janë vaksinuar me dozën e dytë. Nga 1.891 testime, 20 qytetarë kanë rezultuar pozitiv me virusin COVID-19. Gjatë 24 orëve të fundit, është shënuar 1 rast i vdekjes. Sot janë shëruar 19 qytetarë, derisa numri i përgjithshëm i të shëruarve është 105.274. Në total numri i rasteve aktive është 165”, thuhet në njoftim.
IKSHPK ka kërkuar nga qytetarët që të respektojnë masat mbrojtëse antiCOVID, pasi që virusi është ende aktiv.
Ndryshe, Kosova ka lehtësuar masat antiCOVID, pasi që javëve të fundit ka pasur rënie të rasteve të reja dhe të viktimave. /Telegrafi/
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
