Vaksina Pfizer po u jepet fëmijëve amerikanë nga mosha 12 vjeçare pas miratimit të saj nga Administrata amerikane e Barnave dhe Ushqimit, por shkencëtarët janë të ndarë nëse kjo është mënyra më e mirë për të ndalur pandeminë. Kjo sepse shumë njerëz në vende të varfra ende po presin të marrin dozën e parë të vaksinës.
Rregullatori amerikan zgjeroi përdorimin e vaksinës Pfizer te fëmijët e moshës 12 vjeçare, në një garë për t’i imunizuar ata para rikthimit në shkollë pas pushimeve verore.
Vendi u prit me padurim prindërit, drejtues shkollash e zyrtarë të shëndetit publik. Kompania farmaceutike thotë se vaksina u ofron të fëmijëve mbrojtje kundër virusit duke i ka kërkuar edhe Agjencisë evropiane të Barnave që ta miratojë përdorimin e saj tek adoleshentët.
Universiteti Stanford njoftoi fillimin e fazave testuese 2 dhe 3 për të rinj tashmë të regjistruar, për të përcaktuar nëse vaksina krijon imunitet dhe parandalon COVID-19 te fëmijët mes moshës pesë dhe 11 vjeçare.
“Kjo është e rëndësishme për disa arsye, sepse fëmijët infektohen, sëmuren dhe mund të vdesin. Kemi parë mbi 3.5 milionë fëmijë amerikanë që janë infektuar me COVID-19, mijëra prej të cilëve janë shtrirë në spital dhe rreth 600 kanë vdekur. Aktualisht COVID-19 është shkaktari kryesor i vdekjes së fëmijëve që nga fillimi i pandemisë. Edhe pse numrat tingëllojnë si të vegjël, prapë ka numër të lartë vdekjesh në përgjithësi të fëmijëve nën 18 vjeç”, tha Yvonne Maldonado, profesoreshë në Universitetin Stanford.
Ajo shton se fëmijët nën moshën 18 vjeçare përbëjnë 25 për qind të popullsisë amerikane ose 85 milionë banorë, prandaj thotë se është e rëndësishme që ata të përfshihen në luftimin e virusit vdekjeprurës.
Në Britani vaksina Pfizer është përdorur për të imunizuar të moshuarit, por shumica e popullsisë është vaksinuar me Astrazeneca.
Ndonëse kompania ka njoftuar plane për të testuar dozat tek adoleshentët, qeveria thotë se nuk ka plane për vaksinimin e fëmijëve.
Edhe profesori Adam Finn, thotë se provat nuk nënkuptojnë përfshirjen e të rinjve në listat e tyre të shpërndarjes së vaksinës.
Ai shton se përparësi në shpërndarje duhet të kenë komunitetet me rrezikshmëri të lartë në të gjithë botën, para grupmoshave të reja në vendet e pasura që kanë qasje më të madhe ndaj vaksinave.
“Kjo nuk është e njëjta gjë sikur të thuash se ne duhet të imunizojmë miliona fëmijë në Shtetet e Bashkuara, pothuajse asnjëri prej të cilëve nuk do të sëmuret edhe nëse është ekspozuar ndaj COVID dhe në të vërtetë pothuajse asnjë prej tyre nuk do të ekspozohet ndaj COVID nëse popullsia e rritur imunizohet në mënyrën e duhur”, tha profesori Finn.
Faza e tretë e testimit në Universitetin Stanford përfshin 344 fëmijë amerikanë të cilëve po u injektohet vaksina Pfizer.
Profesori britanik Jonathan Ball thotë se vaksinimi i fëmijëve në shkolla është diçka e pashmangshme për mbarë botën.
“Në fund të fundit, kur të kemi rezultatet e provave të sigurisë dhe efektshmërisë së vaksinave tek fëmijët, ne do të fillojmë të shohim përdorimin e tyre tek fëmijët në shkolla, sepse ne e dimë se në veçanti tek shkollat e mesme, shohim shpërthime që ushqejnë përhapjen e koronavirusit në komunitete”, thotë Ball.
Të dhënat e Qendrës për Kontrollin dhe Parandalimin e Sëmundjeve tregojnë se ritmi i infeksioneve tek grupmosha nga 14 deri 17 vjeç është më i lartë krahasuar me pjesën tjetër të amerikanëve, ndërsa grupmosha gjashtë deri 13 vjeç po i afrohet mesatares kombëtare.
Vaksinimi i fëmijëve shihet nga institucionet arsimore në ShBA si diçka e domosdoshme për kthimin në normalitet.
Opojanet ka hapur kanalin në Whats App dhe ju mund të na bashkoheni për të ndjekur lajmet tona BASHKOHU KËTU.
